index introductio imagines partitura exemplar translatio

bibliographia e-mail

CTH 69

Exemplar --

§ 1

1 -- UMMA DUTU-ŠI mMuršili LUGAL.GAL LUGAL [KUR URUḪatti UR.SAG]

2 -- tuk mManapa-DTarḫuntan ABŪ-KA ar[- … katta] daliyat

3 -- nu=za DUMU-aš ēšta

4 -- [nu=tta m PN 1] mUra-DTarḫuntašš=a ŠEŠMEŠ-KA kuenn[ummanzi] šanḫešker

5 -- man=ta=kkan kue[nner]2

6 -- [nu zik] išparzašta

7 -- nu=tta=kkan IŠTU Í[DŠeḫa arḫa watkunuer]

8 -- nu=kan ANA LÚMEŠ URUKarkiša parra[nda paitta]

9 -- nu=tta=kkan KUR-KA ŠA ABĪ-KA=ya ÉMEŠ [arḫa dāir]

10 -- n=at=za apūš dāi[r]

11 -- [DUTU-ŠI =ma tuk mManapa-DTarḫuntan] ANA LÚMEŠ URUKar[kiša anda watarnaḫḫun

12 -- [ABU=YA/ŠEŠ=YA=ya ANA]4 LÚMEŠ URUKarki[ša upp]eššar uppe[škit]5

13 -- [n=aš=ta]7 šer tal[l]eškit

14 -- nu=tta LÚM[EŠ URUKarkiša] anzed[a]z memiyanaz PAB-nu[er]

§ 2

15 -- maḫḫ[an=ma=k]an uit mUra-DTarḫuntaš NĪŠ DING[IR-LIM šarrait]

16 -- n=an [NĪŠ DINGI]RMEŠ ēpper

17 -- n=an=kan LÚM[EŠ ÍDŠeḫa arḫa] par(aḫ)[ḫer]

18 -- [t]uk=ma=za=kan LÚMEŠ ÍDŠe[ḫa anzedaz] mem[iyan]az anda tarner

19 -- nu=tt[a anzedaz] me[miya]naz paḫḫašš[anuer]

§ 3

20 -- GI[M-a]n=ma=za uit ŠEŠ-Y[A mArnuwandaš DINGIR-LIM-iš kišat]

21 -- [DU]TU-ŠI=ma=za=kan ANA GIŠŠÚ.A [ABĪ-YA ešḫaḫat]

22 -- [n]u=tta uwanun DUT[U-ŠI EGIR-an tiyanun]

23 -- [nu=]tta LÚMEŠ ÍDŠeḫ[a šer linganunun]

24 -- [nu=]tta ammedaza [memiyanaz paḫḫaššanuer]

25 -- [t]uqqa šakuwaš[šarit ZI-it warraer]

26 -- [nu=ka]n KUŠARĪTUM GIŠ ...[ … uppeššar] [upp]eškinun

27 -- [ … ]

28 -- [nu=t]ta uit

29 -- [ … ] [ ... ] ... paši

30 -- n[u(=) … ]

31 -- [GIM-a]n-ma [uit mUḫḫa-LÚ-iš LUGAL KUR URUArzawa ITTI DUTU-ŠI] [kurur]iyaḫta

32 -- nu [zikk=a mManapa-DTarḫuntaš ITTI DUTU-ŠI] [wašte]škit

33 -- nu=za AN[A mUḫḫa-LÚ LÚKÚR-YA]10 [EGIR-an t]iyat

34 -- DUTU-ŠI =ma [zaḫḫeškit]

35 -- [nu=mu EGI]R-an UL tiya[t]

§ 4

36 -- [GIM-an=ma] ANA mUḫḫa-LÚ Ù AN[A LÚMEŠ URUArzawa laḫḫi] [pāu]n

37 -- nu=mu mUḫḫa-LÚ-iš ku[it NĪŠ DINGIR-LIM šarrit]

38 -- [n=an l]inkiyaš DINGIRMEŠ ēppe[r]

39 -- [n=an DUTU-ŠI] [ḫarni]nkun

40 -- nu=kan zik=a kui[t IŠTU ŠA mUḫḫa-LÚ kišat]12

41 -- [man t]uqq=a QĀTAMMA ḫarninku[n]

42 -- [nu=mu zik GÌRMEŠ-aš]13 [katta(n) ḫ]aliyattat

43 -- nu=mu LÚ.MEŠ[ŠU.GI MUNUS.MEŠŠU.GI=ya parā naišta]

44 -- [nu=mu tu]ēl LÚMEŠ ṬĒME GÌRMEŠ-aš katt[an ḫaliēr]

45 -- [nu=mu ki]ššan TAŠPUR

46 -- EN-YA=wa=mu TI-nu[t]

47 -- [nu=wa=mu EN-YA] [lē ḫar]nikti

48 -- nu=wa=mu=za ÌR-anni dā

49 -- nu=wa=za=kan SAG.DU-YA [PAP-ši]

50 -- [nu=wa N]AM.RAMEŠ KUR URUMira N[AM.RAME]Š URUḪatti [našm]a NAM.RAMEŠ KUR URUArz[auwa]

51 -- [kui]š=wa=mu=kan kuiš [parrand]a uwanza

52 -- nu=wa=za=ka[n ḫūmand]an apēzza [peškim]i

53 -- nu=tta DUTU-ŠI g[enz]u daḫḫun

54 -- [nu=tta a]paddan šer kariyaḫḫaḫat

55 -- nu=ddu=za takšuli [daḫḫu]n

56 -- nu tuk GIM[-a]n DUTU-ŠI genzu daḫḫun

57 -- nu=ddu=za takšuli daḫḫun

58 -- nu=kan tuk kuiš ŠA KUR URUArzawa [NAM.RAMEŠ p]arranda u[wa]nza

59 -- kuiš=mu=kan kuiš peran arḫa [par(a)šta]

60 -- ŠA KUR URUMir[a=y]a=ta=kkan kuiš NAM.RAMEŠ [Ù Š]A KUR URUḪatti [parra]nda uwanteš

61 -- kēdaš mān kuiš Š[A MĀMĪT]I

62 -- nu NAM.RAMEŠ ḫūmandan and[a] ēp

63 -- n=aš=m[u par]ā pāi

64 -- 1-an=za=kan UN-an and[a] lē dāl[iy]aši

65 -- IŠTU KUR-KA=ya=za=kan arḫa [l]ē kuinki [tarn]aši

66 -- n=an=kan INA ŠANÎ KUR-TI parranda lē ta[rn]aši

67 -- nu NAM.RAMEŠ taruppešni [a]nda ēp

68 -- n=an=m[u par]ā pāi

69 -- nu mān kī INIMMEŠ ḫūmanda iyaši

70 -- [nu=ddu]=za ÌR-anni daḫḫi

71 -- nu=mu=za takšul ēš

72 -- [nu=tta] zilatiya kī išḫiul ēšd[u]

73 -- [n=at=za paḫši]

74 -- [n=]e=tta lingai kattan kittaru

§ 5

75 -- [k]āšma=tta ÍDŠeḫa KUR URU[Appaw]iya=ya ADDIN

76 -- nu=tta apāt KUR-e ēšdu

77 -- n[=at=za] paḫši

78 -- namma=za DUMU URUḪatti ZAG URUḪatti [l]ē ilaliyaši

79 -- [mā]n=za DUMU URUḪatti ZAG URUḪatti=ya [ḪU]L-uwanni ilal[iy]aši

80 -- nu=kan kāšma N[ĪŠ DIN]GIR-LIM šarratti

§ 6

81 -- ziqq=a t[u]ēl DUMU-an šulla[i]

82 -- [ANA B]ĒLŪMEŠ GAL=ya DUMUMEŠ šullin pāi

83 -- nu ANA D[UTU-]ŠI [mān kuwap]ikki ZI-anza

84 -- n=aš apiya [t]eḫḫi

85 -- ziqq=a [ … ]

86 -- [a]nda eḫu

87 -- naḫšariyatti[=ma lē]

88 -- [ … ]

89 -- ēpmi=tta UL ḪUL-uw[anni]

90 -- UL INA URU[Ḫ]atti=ya=ta=kka[n … ]

91 -- nu=m[u=]ššan [ ... a]nda u[- … ]

92 -- [ … ] apad[d]a [š]er [ ... -]ya[ … ]

§ 7'

93 -- [ ... ] ú [ ... ] li [ … ]

94 -- [ ... -r]ā i[- ... ]

95 -- [ … ] ... ... ... [ … ]

96 -- nu=wa[ ... -z]uwaš uddāni DUMU.DUMUMEŠ-aš[ ... ]

97 -- [nu=]tta peran ling[a- ... ]

98 -- [ … ]

99 -- nu=tta mān kēz e[- … ]

100 -- [ … ] ... ... [ ... k]ā maḫḫa[n … ]

101 -- [ … ] ... DU AWĀTEMEŠ[ … ]

102 -- [ … ]x-attiya[t]

103 -- [ … ] ... KUR-e ḫū[- … ]

104 -- [ … m]emiyaš ... [ … ]

105 -- [ … ] ... ... ... [ … ]

§ 8''

106 -- [ … LÚpittiyant]ili [ … ]

107 -- [ … ] arḫa [ … ]

108 -- [ … ] ... ... ...

§ 9'''

109 -- [ … ] … e

110 -- [ … ] UL SIG5-in

111 -- [ … I-N]A KUR-KA išparraši

112 -- [ … -š/t]ari

§ 10'''

113 -- [ … p]ešti

§ 11''''

114 -- [ … ] ēšz[i]

115 -- [L]ÚELLU ēšzi

116 -- m[ān … ] kuiški BA[L] iyazi

117 -- zik=m[a=an ištamašti]

118 -- [n=an=mu ḫatrāi]

119 -- nu=tta=kkan ABŪ-YA ammuqq=a [ … AWĀTEMEŠ] ŠA ABĪ-K[A … ]

120 -- nu LÚMEŠ KUR ÍDŠeḫa=ya=tt[a EGIR-an tier]

121 -- nu=tta DUTU-ŠI kuiš [genzu daḫḫun]

122 -- [nu=mu awan arḫa tiyat]

123 -- nu=tta mUḫḫa-LÚ-iš k[uiš genzu UL dāš]

124 -- nu apēdani EGIR-an t[iyat]

§ 12''''

125 -- nu kinunn=a kuwatqa … [ … ]

126 -- [mān ANA DUTU-ŠI] kuiški menaḫḫanda BAL [iyazi]

127 -- [mān=aš ELLU]

128 -- [mān=aš] kuiški UN-aš

129 -- mān=aš ÉRINMEŠ

130 -- mā[n=aš kuiš imma] kuiš UN-aš

131 -- ziqq=a=an mManapa-DU-aš išt[amašti ku]watqa

132 -- nu=za apel kištati

133 -- nu A[NA DUTU-ŠI] EGIR-an arḫa waḫnuši

134 -- nu apadda ŠAPAL NĪŠ DINGIR-LI[M ki]ttaru

§ 13''''

135 -- namma kašma [DU]TU-ŠI tuk A[NA mManap]a-DU-ta ÍDŠeḫan KUR Appawiya=ya [ADDIN]

136 -- [nu=tt]a apāt KUR-e ēšdu

137 -- n=at paḫši

138 -- ANA mMašḫuil[uwa] KUR URUMira KUR URUKuwaliy[a=ya29 ADD]IN

139 -- ANA mTargašnall[i=m]a KUR URUḪapalla ADDIN

140 -- nu=š[ši] apāt KUR-TUM ēšdu

141 -- n=at=za paḫḫaš[nu(w)and]u

§ 14''''

142 -- nu=kan zik mManapa-D[U-]taš ANA mMašḫuiluwa arḫa lē kuitki ta[t]ti

143 -- tuk=ma=kan [mM]ašḫuiluwaš arḫa lē [kui]tki dāi

144 -- n[u=kan] zik mManap[a-DU-taš] ITTI mPÉ[Š.TUR-]wa l[ē Ḫ]UL-wēšti

145 -- mPÉ[Š.TUR-waš=ma=kan tuk] menaḫḫanda lē id[la]wēšzi

§ 15''''

146 -- [namma=kan zik ANA mMašḫuilu]wa SIG5-anza ē[š]

147 -- mMašḫuiluwa=ma [tuk QĀTAMMA] SIG5-anza ēšdu

148 -- mā[n D]I-eššar=ma31 ku[itki … ]

149 -- [ … ] DUTU-ŠI EGIR-pa daitten

150 -- [nu=wa]r=at32[(-) … DI-eššar] ḫannaḫḫi

§ 16''''

151 -- [namma zik mMan]apa-DU-aš ANA mPÉŠ.TUR-wa LÚKÚR-l[i lē tiy]aši

152 -- nu=war=an=kan33 lē kuen[t]i

153 -- [nu=wa tukka=ma34 mPÉŠ.TUR-]waš LÚKÚR-nili lē tiyazi

154 -- [nu=wa=]ta=kkan lē kuenzi

155 -- mān=ma=wa=tta mMašḫ[uiluwaš _ _ ]x-zi?

156 -- nu LÚKÚR-nili tiyazi

157 -- nu=tta=kkan kuenz[i]

158 -- [nu=kan apadd]a šer mPÉŠ.TUR-lu-wa-aš ANA DUTU-ŠI LÚKÚR

159 -- [nu mMašḫuiluw]an DUTU-ŠI zaḫḫeškimi

160 -- man=ma=wa zik A[NA mPÉŠ.TUR-wa]=ma37 mManapa-DU-aš šulliyaši

161 -- nu ANA mPÉŠ.T[UR-wa] [LÚKÚR-nil]i! tiyaši

162 -- nu=war=an=kan kueši

163 -- nu=wa=za zik [m]Manapa-D⌉U-aš ANA DUTU-ŠI LÚKÚR

164 -- nu=tta zaḫḫeškimi

165 -- nu apadda=ya memiyaš ŠAPAL NĪŠ DINGIR-LIM kittari

§ 17''''

166 -- ŠA m[PÉ]Š.TUR-w[a ÌR] ANA K[UR-K]A LÚpittiyantili lē u[i]zz[i]

167 -- tuēll??=a=kan ÌR!?-K[A!? AN]A mPÉŠ.TURwa LÚpittiyantili lē paizzi

168 -- nu=za=kan ištarna SIG5-anteš ēšten

169 -- ABI DUTU-ŠI[=m]a-kan kue NAM.RAMEŠ URUḪattuši šarā pēḫutenuit

170 -- nu=wa=mu=kan man UN-aš kuiš[k]i EGIR-pa [ḫū]wai

171 -- [z]ik=ma=an mMa-na-pa-DU-aš EGIR-pa UL pešti

172 -- nu I[NI]M-aš apadda ŠAPAL NĪŠ DINGIR-LIM kittari

§ 18''''

173 -- [am]mell=a=mu=kan kuiēš ANA DUTU-ŠI peran arḫa watkuwanteš

174 -- n=at ANA mPÉŠ.TUR wa GIM-an kuru[r]

175 -- tuk=at QĀTAMMA kurur ašandu

176 -- n=at [mP]ÉŠ.TUR-w[aš] maḫḫan zaḫḫeškizzi

177 -- ziqq=at QĀTAMMA [z]aḫḫeški

178 -- n=aš=za=kan zik mManapa-DTarḫunt[aš GI]M-an [UL] [and]an tarnaši

179 -- mMašḫuiluwaš=a=za=kan anda le t[arna]i

180 -- [ _ _ _ (_)] … … -at41 takšan kurur ašandu

181 -- mān=ma[=šm]aš takšulanzi=ma

182 -- nu=šmaš takšan takšulan[z]i

183 -- 1-edani=ma=at [lē43 k]uedanikki takšul

184 -- 1-edani=ya=at [lē k]uedanikki kurur

185 -- nu apadda memiyaš ŠAP[AL NĪŠ DIN]GIR-LIM kittari

§ 19''''

186 -- nu=kan kāšma kē[da]ni [link]iya LĪM DINGIRMEŠ [t]uliya ḫalziy[awen]

187 -- [ … ] ... [(...)]-taru45

188 -- [nu uškandu=y]a

189 -- ištamaškan[d]u

190 -- [n=aš ku]tr[ueš] aš[an]du

§ 20''''

191 -- [DUTU ŠAMÊ DUTU] UR[UArinna DU Š]AMÊ DU NIR.GÁL

192 -- [DU ḪI.ḪI GUDŠerriš GUDḪur]riš DNanniš

193 -- [DḪazziš DU URUArinn]a DU KI.LAM

194 -- DU KARAŠ [DU URUPitteyar]ik(a) DU URUNerik(ka) DU DU6

195 -- [DU URUḪapa]lla DU URUUda DU URUKummanni

§ 21''''

196 -- [DU URUḪiššaš]šapa DU URUŠamuḫa DU URUŠapinuwa

197 -- [DU URU_ _ (_) DU URUŠ]aḫpina DU URUḪurma DU URUŠarišša

198 -- DU URUŠartiyaš DU URUZippalanda

§ 22''''

199 -- DLAMMA DLAMMA URUḪatti DZitḫariyaš DKarziš

200 -- D[Ḫapa]ntaliyaš DLAMMA URUKaraḫna DLAMMA LÍL-ri

201 -- DLAMMA KUŠkuršaš DEN.KI DALLATUM DTelipinuš

202 -- DPirwaš DSÎN EN MĀM[Ī]TI47 DḪepat MUNUS.LUGAL GAL

203 -- ŠA URUUda DIŠTAR DIŠTAR LÍL DIŠTAR URUNinuwa

204 -- DIŠTAR URUḪattarina DNinattaš DKulittaš

205 -- DIšḫaraš MUNUS.LUGAL NĪŠ DINGIR-LIM

§ 23''''

206 -- [DZABAB]A DZABABA URUḪatti DZABABA URUEllaya

207 -- DZABABA URUArziya DIyarriš DZappanaš

208 -- [URUŠ]amuḫaš DAparaš URUḪurmaš DḪantitaššuš

209 -- [URUAn]kuwaš DKataḫḫaš URUKatapaš MUNUS.LUGAL-aš

210 -- [URUT]aḫurpaš D(Am)mammaš URUDunnaš DḪallaraš

211 -- [URUḪ]upišnaš DḪuwaššannaš DINGIRMEŠ lulaḫēš DINGIRMEŠ ḫapiraš

212 -- [ḫūm]anteš ŠA KUR URUḪatti

§ 24''''

213 -- [DINGIRMEŠ LÚ]MEŠ DINGIRMEŠ MUNUSMEŠ ŠA KUR URUḪatti taknaš DUTU-uš

214 -- karūiliuš DINGIRMEŠ-uš ḫūmanteš DNaraš

215 -- [DNapš]araš DMunkiš DAmmunkiš

216 -- [DTuḫuš]iš DAmmizzaduš DAlaluš

217 -- [DKumarpi]š DAnuš DAduš DEN.LÍL D[NIN.LÍL]

§ 25''''

218 -- [ḪUR.SAGMEŠ Í]DMEŠ PÚMEŠ šalliš arunaš

219 -- [nepiš tekan] IM.TEMEŠ ḫeūš alpuš

220 -- [DKASKAL.KURMEŠ ḫūmanteš]

221 -- [ŠA KUR URUḪatti Ù DI]NGIRMEŠ LÚMEŠ

222 -- DINGIRMEŠ MUN[USMEŠ ḫumānduš]

223 -- [ḪUR.SAGMEŠ ÍDMEŠ PÚMEŠ] GAL-iš aruna[š]

224 -- [nepiš tekan] IM.TEMEŠ ḫēuš

225 -- [alpuš DKASKAL.KURMEŠ ḫūmanteš] URU ÍDŠēḫa

226 -- [ ... DINGIR.]LÚMEŠ DINGIR.MUNUSMEŠ

227 -- [ ... DKAS]KAL.KURMEŠ ḫūmanteš

228 -- [ḪUR.SAGME]Š? ⌈ÍDMEŠ⌉ [ ... ] ...

229 -- [ ... -n]amiya [ ... ] ...

§ 26''''

230 -- [nu mā]n zik mMan[a]pa-DU-aš kē INIMMEŠ UL pa[ḫḫašti]

231 -- [KUR URUŠ]eḫa KUR URUAppaw[iya=ya z]ilatiya [UL] paḫḫašti

232 -- K[UR] URU.GIŠGIDRU[-t]i=i[a ḫ]ašš[a] [ḫanz]ašša katta QAD[U] BĒL[UMEŠ-TI]M a[r]ḫa [tiy]atteni

233 -- našma [k]ī tuppiya[š] [INIMMEŠ] waḫnutteni

234 -- [kuit]=kan imma kuit [kē]dani ANA ṬU[PPI GAR-r]i

235 -- nu=tta=kkan kī [<NĪŠ> DINGIRMEŠ Q]ADU SAG.DU[-KA DAM]MEŠ-KA DUMUMEŠ-KA [DUMU.DUMU]MEŠ-KA É-K[A KUR-KA] ÉRINMEŠ-KA ANŠE.KUR.RAMEŠ-KA [LÚMEŠ-K]A Ù QAD[U MIMMŪ-K]A dan[k]uwaz [dag]anzipaz a[rḫ]a ḫarninkandu

§ 27''''

236 -- [mān=m]a zik mMan[ap]a-DU-aš ki tuppiyaš [INIMMEŠ p]aḫḫašti

237 -- nu zilatiya [ANA LUGAL K]UR URUḪatti QAD[U DUMUMEŠ-KA Ù] [LÚMEŠ GAL.GAL-]TIM arḫa UL [tiyatteni]

238 -- [nu=tt]a kūš NĪŠ DINGIRMEŠ [aššuli] [paḫ]šandaru

239 -- nu=tta=kka[n DUMUMEŠ-KA INA ŠU DUTU-ŠI aššu] [l]ūlu uškan[du]

§ 28''''

240 -- DUB.1.KAM ŠA m[Manapa-DTarḫunta] išḫiulaš [QATI]